Komisioni për Liritë Qytetare, Drejtësi e Çështje të Brendshme i Parlamentit Evropian, miratoi sot liberalizimin e vizave për Kosovën.
Bëhet fjalë për një marrëveshje të arritur dhjetorin e shkuar mes Parlamentit, Këshillit e Presidencës së Bashkimit Evropian, shkruan Lajmi.
Miratimi i kësaj marrëveshjeve në këtë komision e afron një hap më shumë liberalizmin e vizave për Kosovën.
Parlamenti Evropian ka caktuar deputetin socialist nga Holanda, Thijs Reuten, si raportues për dosjen që ka të bëjë me liberalizimin e vizave për Kosovën.
Diplomatët e BE-së kanë thënë se tashmë ka mbetur vetëm përmbyllja e pjesës formale të vendimit.
