India pritet të mbetet importuesi kryesor i naftës së papërpunuar ruse në dhjetor për të dytin muaj radhazi, raportoi Reuters të shtunën, duke cituar të dhënat e Refinitiv dhe tregtarët.
Në nëntor, kombi me mbi 1 miliard banorë përbënte rreth 53% të totalit të dërgesave të cisternave, duke shënuar një nivel më të lartë të të gjitha kohërave.
Pjesa e Indisë në eksportet ruse të papërpunuara dhe vëllimet e blera do rritet nga muaji në muaj, pavarësisht një plani më të shkurtër depozitimi për portet perëndimore të Rusisë, thanë tregtarët për agjencinë e lajmeve.
Në dhjetor, tregtarët presin që pjesa e Indisë të arrijë në 70% të ngarkesave të përgjithshme. Sipas katër burimeve të tregut të cituara nga media, India, konsumatori i dytë më i madh i naftës në Azi, ka blerë naftë të papërpunuar të llojit ‘Urals’ me zbritje më të mëdha këtë muaj.
Ajo ka paguar shumë më poshtë kufirit të çmimit prej 60 dollarë për fuçi për naftën ruse të vendosur nga BE-ja, vendet e G7 dhe Australia në fillim të këtij muaji.
India ka marrë të paktën dy milionë ton naftë që nga fillimi i muajit. Bullgaria, që arriti të marrë një përjashtim nga ndalimi i naftës në BE, pritet të bëhet blerësi i dytë më i madh i naftës së papërpunuar ‘Urals’ në dhjetor, duke transportuar deri në 800,000 ton.
Dërgesat e naftës ‘Urals’ në Kinë thuhet se do mbeten të ulëta me vetëm një dërgesë prej 140,000 tonësh të dërguar që nga 16 dhjetori.
