Dy persona janë arrestuar në Gjirokastër pasi akuzohen për dhunë e kanosje.
Në pranga ka rënë 53-vjeçari me iniciale L.M. i cili akuzohet se ka dhunuar bashkëshortin e tezes, një 66-vjeçar.
Në pranga ka rënë edhe 58-vjeçari me iniciale J.T. banues në Shtëpëz , Gjirokastër pasi akuzohet për kanosjen e një 66-vjeçari.
Njoftimi
“Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin L. M., 53 vjeç, banues në Gjirokastër, pasi ka ushtruar dhunë fizike dhe psikologjike ndaj një 66-vjeçari (bashkëshorti i tezes së tij), i cili është dërguar në spital, për të marrë ndihmë mjekësore. Po nga këto struktura u referuan materialet në Prokurorinë pranë Gjykatës së Shkallës së Parë Gjirokastër, për veprën penale “Kanosja”, në ngarkim të shtetasit J. T., 58 vjeç, banues në fshatin Shtëpëz, Gjirokastër, pasi ka kanosur me fjalë një 66-vjeçar, për motive të dobëta. Materialet për këto raste i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.”
