Vendosni fjalën kyçe....

“Partia e vjetër ka vdekur, koha për ta varrosur e ndërtuar diçka të re” – Senatori republikan bën thirrje për reformë të thellë


Senatori republikan Josh Hawley ka bërë thirrje që partia t’i nënshtrohet reformës së thellë pas rezultave të zgjedhjeve afatmesme ku Republikanët humbën kontrollin e Senatit ndërsa nuk kanë konfirmuar ende marrjen në kontroll të Kongresit.

“Partia e vjetër ka vdekur. Koha për ta varrosur. Ndërtoni diçka të re.” – shkroi Haëley në Tëitter pas fitores së ngushtë të Senatores demokrate Catherine Cortez Masto (D-NV) ndaj republikanit Adam Laxalt në garën për Senatin e Nevadës.

Thirrja e Hawley-t për të ‘varrosur’ dhe ‘ndërtuar’ një Parti të re Republikane vjen pasi disa brenda partisë shpresonin se do të rifitonin kontrollin e Senatit në zgjedhjet e 8 nëntorit. Megjithatë, që nga e shtuna, Republikanët rrezikojnë të humbasin një vend në Senat në varësi të rezultateve të balotazhit në Georgia, që do mbahet në dhjetor.

Një ditë përpara zgjedhjeve afatmesme, Haëley tregoi mbështetjen e tij për ndryshimin brenda partisë pas deklaratës së tij se ai nuk do mbështeste Senatorin Mitch McConnell (R-KY) për udhëheqjen e Republikanëve të Senatit.

McConnell po përballet me kritika të shtuara nga brenda partisë pas rezultateve të zgjedhjeve të fundit por ai ka lënë të hapur mundësinë e rikandidimit si lider i pakicës në Senat.