Gjashtë persona kanë humbur jetën në një aksident ajror të ndodhur në Dallas, SHBA, pas përplasjes së dy avionëve të Luftës së Dytë Botërore.
Pamjet tregojnë avionin duke goditur njëri-tjetrin në një lartësi të ulët, teksa njëri prej avionëve ndahet në gjysmë dhe më pas të dy shpërthejnë në flakë.
Avionët – një prej tyre një Boeing B-17 Flying Fortress – po merrnin pjesë në një shfaqje ajrore përkujtimore pranë Dallasit.
Shoqata e Pilotëve Aleate, e cila përfaqëson pilotët e ‘American Airlines’, tha se Terry Barker dhe Len Root – dy nga ish anëtarët e saj – ishin në mesin e atyre që vdiqën në përplasje.
Administrata Federale e Aviacionit tha se do hetojë përplasjen në ngjarjen treditore, e cila e përshkruan veten si premiera ajrore e SHBA-së në Luftën e Dytë Botërore dhe që po mbahej për nder të Ditës së Veteranëve.
Kryebashkiaku i Dallasit Eric Johnson e quajti atë një ‘tragjedi të tmerrshme’.
Numri i viktimave nuk është konfirmuar ende, tha ai. Avioni i dytë, një P-63 Kingcobra, ishte një avion luftarak i përdorur në të njëjtën luftë, por i përdorur në luftime vetëm nga Forcat Ajrore Sovjetike.
B-17 zakonisht ka një ekuipazh prej rreth katër deri në pesë persona, ndërsa P-63 ka një pilot të vetëm, tha Hank Coates, nga Forca Ajrore Përkujtimore që organizoi ngjarjen.
