Një 20-vjeçar amerikan është rrëzuar nga lartësia këtë të hënë në vendin e quajtur “Kanionet e Pesturës” në Tepelenë.
I riu me inicialet W.L është nxjerrë me ndihmën e zjarffikësve dhe banorëve të zonës nga vendi ku është rrëzuar dhe është dërguar në spital.
“Në fshatin Progonat, Tepelenë, në vendin e quajtur ‘Kanionet e Pesturës’, është rrëzuar shtetasi amerikan W. L., 20 vjeç.
Shërbimet e Policisë, në bashkëpunim me shërbimet zjarrfikëse, shërbimet e spitalit dhe banorë të zonës, kanë bërë të mundur nxjerrjen 20-vjeçarit nga vendi ku ishte rrëzuar.
Shtetasi W. L. po transportohet në spital, për të marrë ndihmë mjekësore, pasi ka marrë dëmtime në pjesë të ndryshme të trupit.
Në vendngjarje ndodhet grupi hetimor, i cili po punon për sqarimin e rrethanave të situatës.”- bën me dije Policia.
