Ndahet nga jeta aktorja dhe aktivistja vendase amerikane Sacheen Littlefeather, e cila doli në skenë në vitin 1973 për të treguar se Marlon Brando nuk do ta pranonte çmimin “Oscar” për rolin e tij në filmin “The Godfather”.
Siç shkruan Hollywood Reporter, Littlefeather u nda nga jeta mesditën e së dielës në shtëpinë e saj në qytetin Novato të Kalifornisë Veriore, e rrethuar nga të dashurit e saj.
Akademia e Arteve dhe Shkencave të Filmit, organizoi një festë për nder të aktores vetëm dy javë më parë.
Littlefeather zbuloi në mars të vitit 2018 se ajo ishte diagnostikuar me kancer të gjirit të fazës 4.
Ajo u shfaq live në skenë në ceremoninë e vitit 1973 për të refuzuar një “Oscar” në emër të Marlon Brando, i cili kishte fituar çmimin e aktorit më të mirë për rolin e tij në filmin “The Godfather”.
Brando e refuzoi çmimin për shkak të keqinterpretimit të amerikanëve vendas nga industria e filmit në SHBA. Littlefeather, asokohe 26-vjeçare, u turpërua duke ia bërë “booo” dhe u shmang nga industria e argëtimit pas fjalimit të saj të shkurtër.
