Policia ka dhënë detaje për të shtënat me armë të regjistruara në Vlorë mesditën e sotme.
Një person ka qëlluar në ajër pas konfliktit për motive të dobëta.
Policia thotë se ka identifikuar autorin dhe po punon për kapjen e tij.
“Sot, rreth orës 12:00, në afërsi të tunelit në “Uji të Ftohtë”, si pasojë e një konflikti të çastit për motive të dobëta, dyshohet se një shtetas, ka qëlluar me armë zjarri në ajër. Nga verifikimet e bëra nga shërbimet e Policisë, nuk ka persona të dëmtuar.
Janë ngritur pika kontrolli dhe vijon krehja e zonës për kapjen e autorit i cili është identifikuar nga Policia menjëherë.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt” njofton policia.
