Pas mbarimit të mandatit të Erinda Ballancës, Kuvendi ka nisur procedurat për zgjedhjen e Avokatit të ri të Popullit.
Në një dokument të publikuar pak më herët nga “Balkanweb”, zbulohen emrat e 20 kandidatëve të cilët kanë depozituar CV-të e tyre.
Mes tyre janë Avokatja e Popullit në detyrë Erinda Ballanca, avokati i njohur Altin Goxhaj, ish-ministri i Drejtësisë, Ilir Rusmali, ish-kryetarja e KQZ-së, Lefterije Luzi dhe ish-deputeti i PD-së, Sali Shehu.
Sipas Kuvendit të gjithë emrat i plotësojnë kushtet paraprake ndërsa lista do i përcillet më tej komisonit të Kuvendit për çështjet ligjore që do verifikojë përmbushjen e kritereve kushtetuese e ligjore.
Më pas komisioni do kryejë seanca dëgjimore me çdo kandidat e pas përfundimit të këtij hapi, kandidaturat e përzgjedhura do i paraqiten Kuvendit me shkrim nga jo më pak se 28 deputetë.
Kandidatët:
- Ahmet Prençi
- Altin Goxhaj
- Besim Ndregjoni
- Bledar Dervishaj
- Boriana Nikolla
- Brikena Kasmi
- Dorian Gjomarkaj
- Drita Avdyli
- Endri Papajorgji
- Ermir Kapedani
- Erinda Ballanca
- Evis Fico
- Ilirjan Rusmali
- Jordan Daci
- Jorida Rustemi
- Laureta Roshi
- Ledio Braho
- Lefterije Luzi
- Olta Aliaj
- Sali Shehu
