Rusia ka ndaluar furnizimin me energji për Lituaninë, njoftoi të dielën operatori i sistemit të transmetimit të energjisë elektrike të vendit Litgrid.
Inter RAO, që ishte importuesi i vetëm i energjisë elektrike nga Rusia në Lituani, konfirmoi pezullimin e dërgesave. Në fillim të këtij muaji, dega Nordike e Inter RAO gjithashtu ndaloi furnizimin me energji elektrike në Finlandë.
Ministria e Energjisë e Lituanisë fillimisht njoftoi se do të ndalonte blerjen e energjisë elektrike ruse të premten.
“Sipas vendimit të operatorit të shkëmbimit të energjisë elektrike Nord Pool, tregtimi i energjisë elektrike të prodhuar në Rusi, i cili u krye nga Inter RAO (përmes filialit të tij Inter RAO Lietuva), ndërpritet duke filluar nga 22 maji.” – tha ministria në një deklaratë.
Pas mbylljes së furnizimeve ruse, Lituania planifikon të plotësojë nevojat për energji elektrike përmes termocentraleve lokale dhe importeve nga vende të tjera evropiane, veçanërisht Suedia, Polonia dhe Letonia, tha të premten CEO-ja i Litgrid, Rokas Masiulis. Sipas kompanisë, importet ruse përbënin 16% të konsumit të energjisë elektrike të Lituanisë.
Inter RAO konfirmoi pezullimin e tregtimit të premten, sipas TASS.
“Inter RAO ka marrë njoftime nga operatori i këmbimit Nord Pool për pezullimin e tregtimit nga filialet për shkak të rrezikut të paaftësisë për të paguar për energjinë elektrike ruse.” – tha kompania për agjencinë.
Muajin e kaluar, Lituania u bë shteti i parë i BE-së që anuloi importet e gazit rus dhe gjithashtu kundërshtoi të blinte naftën e vendit.
