Presidenti i Ukrainës, Volodymyr Zelensky, ka thënë se “shërbimet speciale” ruse qëndrojnë pas një serie shpërthimesh në një rajon separatist pro-rus të Moldavisë.
Transnistria e cila kufizohet me Ukrainën ka përjetuar një seri sulmesh në ditët e fundit. Dy shtylla radiofonike u shkatërruan. Një njësi ushtarake u sulmua. Ministria e sigurimit të shtetit thuhet se u godit me një granatëhedhës, shkruan BBC.
Qeveria e rajonit e mbështetur nga Rusia ka hyrë në “alarmin e kuq” ndaj terrorizmit.
Por Ukraina ka pretenduar se këto janë operacione vijnë si një përpjekje e Rusisë për të destabilizuar rajonin dhe për të përhapur konfliktin.
Më parë, një këshilltar i lartë i Presidentit Putin tha se rusishtfolësit në Moldavi po shtypeshin – i njëjti justifikim përdoret për të justifikuar pushtimin e Ukrainës.
Janë 1500 trupa ruse të stacionuara në rajonin e shkëputur të Moldavisë – i cili deri më tani nuk ka hyrë në luftën e Ukrainës.
Frika është se ata mund të hapin një front të ri në Perëndimin e Ukrainës ose t’i japin Moskës një justifikim për të shtyrë deri në Moldavi.
