Policia ka dhënë detaje për ngjarjen e ndodhur në Shkodër mbrëmjen e sotme ku nga të shtënat ka mbetur i plagosur një person.
Ngjarja ka ndodhur në lagjen Perash ndërsa i plagosur ka mbetur shtetasi E.R 28 vjeç banues në Shkodër.
I plagosuri ndodhet jashtë rrezikut për jetën.
“Më datë 19.04.2022, rreth orës 22:00, në lagjen “Perash”, Shkodër, në rrethana ende të paqarta, është plagosur me armë zjarri në këmbë, shtetasi E. R., 28 vjeç, banues në lagjen “Partizani”, Shkodër, i cili ndodhet jashtë rrezikut për jetën.
Shërbimet e Policisë me marrjen e njoftimit për të shtëna me armë zjarri, kanë shkuar menjëherë në vendngjarje, është rrethuar zona, janë ngritur pika kontrolli dhe vijon krehja e territorit për të bërë të mundur identifikimin dhe kapjen e autorit/ëve.
Grupi hetimor ndodhet në vendngjarje dhe nën drejtimin e Prokurorisë, po punon për fiksimin e çdo prove të mundshme, që do ti shërbejë hetimit për zbardhjen e ngjarjes”-njofton policia.