Zbardhet telefonata mes presidentit turk dhe atij rus.
Sipas BBC-së, Presidenti rus Vladimir Putin i ka thënë presidentit turk Rexhep Tajip Erdogan se Rusia do të ndalojë operacionin e saj ushtarak vetëm nëse Ukraina ndalon luftimet dhe kërkesat e Moskës përmbushen.
Rusia këmbëngul se pushtimi i saj i Ukrainës nga toka, ajri dhe deti është një operacion ushtarak special, për të cilin Putin pretendon se është i nevojshëm për të “denazifikuar” vendin.
Udhëheqësi rus përsëriti se sulmi po shkon sipas planit.
Ai ka bërë komente të ngjashme ditët e fundit, mes vendimeve nga analistë perëndimorë të mbrojtjes se fushata ushtarake ruse po shkonte më pak mirë sesa pritej.
Sipas deklaratës së Kremlinit, Putin shpreson që negociatorët ukrainas të kenë një qasje më “konstruktive“.
Zyra e Erdoganit tha se udhëheqësi turk kishte apeluar për një armëpushim të përgjithshëm urgjent.
