Kandidati i Partisë Demokratike për bashkinë e Durrësit Luan Hoti, ka publikuar një video nga qyteti i tij, rrugët e të cilit shihen të përmbytura nga uji.
Hoti shkruan se pas vetëm dy orësh shi, Durrësi u përmbyt pasi sipas tij është lënë në mëshirë të fatit për 21 vjet. Ai thotë se ka një plan konkret si t’u japë drejtim punëve që nuk u kryen kurrë nga socialistët në këtë qytet.
“Sot pasi ra vetëm dy orë shi, Durrësi u përmbyt.
Jemi në lagjen 18 të Durrësit dhe shikoni pamjet e filmuara këtë të martë. Drejtuesit e mjeteve në vështirësi, kalimtarët po ashtu.
Ky është Durrësi që Sako-Dako e kanë lënë në mëshirë të fatit dhe me arrogancën e tyre thonë se po punojnë shumë, madje dalin dhe kërkojnë vota me fotot me ‘Photoshop’.
Kur nuk i rregulluan këto rrugë qyteti për 21 vjet për durrsakët, si do ta bëjnë për 1 vit?
Ne kemi një plan konkret si t’u japim drejtim punëve që nuk u kryen kurrë nga socialistët.
Ky do të jetë ndryshim i vërtetë që do t’i kthejë normalitetin dhe krenarinë qytetit tonë.
Në shërbim të qytetarëve. Bashkë për Durrësin!
Voto Partia Demokratike
Voto Luan Hoti
Voto Nr.3”– shkruan Hoti krahas videos.
