Aktori i Hollivudit Johnny Depp u nderua ditën e djeshme me një medalje nderi nga presidenti serb Aleksandar Vuçiç, gjatë një ceremonie në Beograd. Sipas Balkan Insight, medalja u dha për “merita të shquara në aktivitetet publike dhe kulturore, veçanërisht në fushën e artit filmik dhe promovimin e Republikës së Serbisë në botë”.
“Unë me të vërtetë, sinqerisht ju falënderoj president Vuçiç, dhe këtë medalje të meritës, nëse më jepet nderi të largohem me këtë, ju falënderoj që jeni mjaftueshëm të sjellshëm për ta dhuruar atë.”- tha Depp pas marrjes së çmimit. “Tani jam në prag të një jete të re dhe më pëlqen, më pëlqen një rifillim. Dhe do të më pëlqente që ky rifillim të fillonte këtu.”
“I’m right now on the verge of a new life & I like it…” – Johnny Depp ✨️ pic.twitter.com/ZnuN1PJFWB
— Tongo Bozzie🍹🚬°•.•* (@Noneofthemknew1) February 15, 2022
Depp ka marrë pjesë në disa projekte të lidhura me Serbinë në vitet e fundit, duke xhiruar skena në Beograd për “Minimata” dhe duke bërë zërin e personazhit kryesor në serialin e animuar “Puffins”, i cili prodhohet në vend.
Aktori ishte në qendër të polemikave vitin e kaluar pasi mori një çmim për arritje të jetës, gjë që tërhoqi reagime nga organizatat feministe. Depp kishte humbur një padi për shpifje kundër tabloidit britanik “The Sun”, pasi gazeta e quajti yllin e filmit “dhunues të gruas” bazuar në pretendimet e ish-gruas së tij Amber Heard.
Depp ka mohuar akuzat dhe pretendon se ato janë të gjitha një “mashtrim” i projektuar nga Heard, ai ka humbur disa role në Hollivud për shkak të kësaj.
