Një grua 39-vjeç është paraqitur në spitalin e Vlorës me plagë të shkaktuara nga një armë zjarri në dorë.
Policia në njoftimin e saj dyshon se ngjarja është aksidentale dhe plagët të jenë shkaktuar nga arma e gjahut.
Shtetasja M.N banuese në Bunavi ndodhet jashtë rrezikut për jetën në kujdesin e mjekëve.
“Më datë 01.02.2022, rreth orës 18:10, në spitalin Rajonal Vlorë, është paraqitur shtetasja M. N., 39 vjeçe, banues në fshatin Bunavi, Vlorë, e cila ka dëmtime në dorë, dyshohet të shkaktuara me armë gjahu. Paraprakisht dyshohet për ngjarje aksidentale.
Shtetasja M. N., ndodhet nën kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të rrethanave të ngjarjes”-njofton policia.
