Vendosni fjalën kyçe....

Kokainë dhe doreza metalike, policia e Sarandës vë në pranga dy persona



Policia e Sarandës ka vënë në pranga dy persona, një nga Gjirokastra e një nga Delvina, pasi të parit iu gjet një sasi kokaine ndërsa të dytit një dorezë metalike.

Të arrestuarit janë shtetasit Florid Gërxholli nga Gjirokastra dhe Enea Hasanaj nga Delvina.

 “Specialistët e Hetimit të Krimit në Komisariatin e Policisë Sarandë  arrestuan në flagrancë për veprën penale ‘Prodhimi dhe shitja e narkotikëve’ shtetasin F. G.,29 vjeç,  banues në Gjirokastër, pasi gjatë kontrollit fizik iu gjet dhe  sekuestrua në cilësinë e provës materiale një sasi lënde  narkotike  e dyshuar kokainë.

Po nga Specialistët e Hetimit të Krimit në Komisariatin e Policisë Sarandë u  arrestua në flagrancë për veprën penale ‘Prodhimi, mbajtja, blerja apo shitja pa leje e armëve të ftohta’,  shtetasi E. H., 21 vjeç,  banues në Delvinë, sepse  gjatë kontrollit fizik iu gjet një perforcuese grushti (dorezë  metalike).”- thuhet në njoftimin e policisë.