Sali Berisha përjashtohet përgjithnjë nga PD, përjashtohen edhe 8 anëtarë të Komisionit të Rithemelimit

Sali Berisha është përjashtuar përgjithnjë nga Partia Demokratike.

Vendimi është marrë nga kryesia e PD-së në mbledhjen që nisi mbrëmjen e djeshme në orën 19:00 dhe përfundoi në orën 03:30 të mëngjesit.

Po kështu në mbledhje është vendosur edhe përjashtimi i shtatë anëtarëve të Komisionit të Rithemelimit, një pjesë e të cilëve janë deputetë të PD-së, shkruan BW.

Vendimi për përjashtimin e ish-kryeministrit Berisha dhe shtatë anëtarëve të Komisionit të Rithemelimit vjen dy ditë pas protestës së organizuar në selinë e PD-së dhe përplasjeve të dhunshme që ndodhën aty mes mbështetësve të ish-kryeministrit që tentuan të futen brenda e personave që ndodheshin brenda selisë.

Përjashtimi i Berishës pason muaj përplasjesh mes tij e kreut të PD-së Basha, lidhur me vendimin të këtij të fundit për pezullimin e përkohëshëm të Berishës që erdhi pas shpalljes së tij non grata nga Departamenti Amerikan i Shtetit.

Janë përjashtuar

Bujar Nishani

Flamur Noka

Edmond Spaho

Klevis Balliu

Keltis Kruja

Bujar Nishani

Albana Vokshi

Arben Ristani

Janë pezulluar

Agron Shehaj

Aldo Bumçi