Kryeministri Edi Rama thotë se ka nisur ndërtimi i hekurudhës së re Tiranë-Durrës.
Këtë ai e ka bërë të ditur përmes një postimi në “Facebook” ku ka shpërndarë disa foto nga punimet, të cilat i shoqëron me tekstin: “NIS PUNA për Hekurudhën e re Tiranë – Durrës me largimin e shinave të vjetra😊🚊🇦🇱”.
Kujtojmë se më 23 tetor, Këshilli Kombëtar i Territorit miratoi lejen e ndërtimit për linjën hekurudhore Tiranë-Durrës.
Linja hekurudhore Tiranë-Durrës dhe lidhja e saj e re me Rinasin do të zbatohet nga kompania INC spa, e cila u shpall fituese një vit më parë ndërkohë që autoriteti kontraktor do të mbetet Hekurudha Shqiptare.
