Administratorët e shkollave në Shkollat Publike të Qarkut Loudoun të Virxhinias thuhet se kanë lejuar autorin e supozuar me gjini të papërcaktuar (gender fluid), që akuzohet për përdhunimin e një nxënëseje në banjën e vajzave për t’u transferuar në një shkollë të re pa paralajmëruar askënd.
Adoleshenti, i cili e emërton veten herë si trangjinor e herë si mashkull, që akuzohet për përdhunimin e një nxënëseje në banjon e vajzave, mund të ketë pasur terrene të tjera gjuetie, thanë prindërit gjatë një takimi të furishëm të bordit pasi mësuan se studenti ishte tashmë në monitorim elektronik.
Prokurorja e Komonuelthit të Qarkut Loudoun, Buta Biberaj, konfirmoi për mediat lokale se i njëjti individ, një 15-vjeçar, emri i të cilit nuk po bëhet publik për shkak të moshës së tij, është akuzuar për të dy krimet seksuale dhe aktualisht është vendosur në një qendër paraburgimi për të mitur. Sidoqoftë, zyra e sherifit të qarkut ka refuzuar të bëjë ndonjë deklaratë nëse të dy rastet ndajnë një autor të përbashkët.
Prindërit janë të zemëruar pasi mësuan se jo vetëm që distrikti shkollor u përpoq të fshihte krimet e nxënësit të tij që pretendon se ka gjini të papërcaktuar e të ndryshueshme, por ata e dërguan atë në një shkollë tjetër ku ai ishte në gjendje të sulmonte në mënyrë të ngjashme një vajzë tjetër. Viktima fillestare, një nxënëse në Shkollën e Mesme ‘Stone Bridge’ në Ashburn, raportoi se sulmi ndaj saj ndodhi në 28 maj.
