Vendosni fjalën kyçe....

“SHBA e Rusia bien dakord që Ukraina t’i japë Donbasit status të veçantë autonom brenda Ukrainës” – Kremlini pas vizitës së Nuland


Rusia dhe SHBA-ja kanë rënë dakord të vazhdojnë diskutimet mbi situatën në lindje të Ukrainës, me të dyja palët që presin që Kievi të zbatojë marrëveshjet e diskutueshme të Minskut për të krijuar paqe në rajon.

Kjo sipas Dmitry Kozak, zëvendësshefit të shtabit të Kremlinit, i cili foli për mediat pas një takimi në Moskë me Nënsekretaren e Shtetit të SHBA për Çështjet Politike, Victoria Nuland.

Nuland është në Moskë për një vizitë pune treditore dhe tashmë është takuar me zv.ministrin e jashtëm rus Sergey Ryabkov dhe zv.ministrin rus të mbrojtjes Alexander Fomin. Nuland më parë ishte ndaluar të hynte në vend si pjesë e kundërsanksioneve të Russë ndaj SHBA-së, por Kremlini ra dakord ta hiqte atë nga lista e zezë për t’i mundësuar vizitën e shkurtër.

“Një dialog i plotë dhe konstruktiv u zhvillua në lidhje me zgjidhjen e konfliktit në juglindje të Ukrainës.” – tha Kozak për të përditshmen e lajmeve Kommersant.

“U konfirmua se marrëveshjet e Minskut mbeten baza e vetme për një zgjidhje. Gjatë bisedimeve, SHBA konfirmoi pozicionin e saj se përparimi i rëndësishëm drejt zgjidhjes së konfliktit nuk ka gjasa pa ndonjë marrëveshje mbi parametrat e ardhshëm të autonomisë së Donbass. Me fjalë të tjera, rajonit duhet t’i jepet një status i veçantë brenda Ukrainës.” – shtoi ai.

Vetë Nuland i përshkroi bisedimet në Kremlin si ‘produktive’ dhe ‘të dobishme’. Nuland është më e njohur në mbarë botën për vizitën në vendin e protestave të Maidan në Kiev në fund të vitit 2013, kur ajo u pa duke shpërndarë biskota për demonstruesit. Kjo shkaktoi një trazirë në Moskë, e cila e pa atë si mbështetje të hapur amerikane për lëvizjen.