Gjiganti teknologjik “Apple” më në fund e ka njohur territorin e Kosovës në hartë me sistemin e ri operativ, të lancuar të hënën e 20 shtatorit.
E kështu duket se nisma “Put Kosovo on Apple Maps” më në fund ka dhënë rezultatet e pritura.
Ndryshe nga softuerët e kaluar, me sistemin iOS15 tek iPhone kufijtë e Kosovës shënohen me vijë të plotë e jo të ndërprerë, siç ishte më parë.
NEWS – Apple recognizes #Kosovo as independent country
Koha reports: https://t.co/I56suKu5ua pic.twitter.com/394c9rqqP6
— Stefan in Kosovo (@StefanInKosovo) September 21, 2021
Sistemi i ri operativ është nxjerrë në të njëjtën kohë me telefonin e ri, iPhone 13.
Kujtojmë se vetëm pak muaj më parë, Apple kishte rregulluar të gjitha lokacionet në territorin e Kosovës duke i shënuar në gjuhen shqipe.
Kjo ka ardhur pas një peticion të filluar në korrik të vitit të kaluar, përmes të cilit mijëra shqiptarë i kërkuan “Apple”-it të tregonte një Kosovë të pavarur në hartat e saj.
Kujtojmë se ky peticion u firmos dhe u mbështet edhe nga personazhe të njohura me origjinë shqiptare nëpër botë, si këngëtaret Dua Lipa, Rita Ora, Bebe Rexha dhe të tjerë.
