Policia ka arrestuar drejtuesin e makinës cili mbrëmjen e datës 7 shtator përplasi të moshuarin në sheshin “Demokracia” në Shkodër.
I moshuari me iniciale S.D 74-vjeç po udhëtonte me biçikletë kur i aksidentua nga i riu K.P 25 vjeç.
“Nga Specialistët e Sektorit të Qarkullimit Rrugor u bë arrestimi në flagrancë i shtetasit. K.P., 25 vjeç, banues në lagjen “Guerile”, Shkodër, pasi më datë 07.09.2021, rreth orës 21:00 të mbrëmjes së djeshme në sheshin “Demokracia”, duke drejtuar mjetin ka aksidentuar shtatasin S.D., 74 vjeç, i cili po udhëtonte me biçikletë. I dëmtuari pasi mori ndihmë mjekësorë në Spitalin Rajonal Shkodër është dërguar për mjekim më të specializuar në Spitalin e Traumës Tiranë dhe ndodhet jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme”-njofton policia.