Vendosni fjalën kyçe....

Të gjithë në ankth me kë do nënshkruajë kontratën Messi, informacioni më i fundit


Së pari, gazeta spanjolle “Marca” po raporton se ndërsa Messi ka lirinë e plotë për të zgjedhur klubin e tij të ardhshëm, opsionet e argjentinasit janë përfundimisht të kufizuara. “Marca” pretendon se një lëvizje në Ligue 1 është një mundësi, por siç qëndrojnë gjërat “Manchester City” është favorit pavarësisht se sapo ka nënshkruar me Jack Grealish.

Po kështu PSG është fokusuar në rinovimin e kontratës së Kylian Mbappe, ndërsa taksat franceze mund të jenë një problem për të ardhurat 30 milionë euro në vit të Messit, që do të thotë se klubi parizian mund t’i duhet t’i paguajë atij 70 milionë euro në vit.

Kurse gazeta tjetër franceze “L’Equipe” shkruan se lëvizja e Messit drejt PSG-së është jorealiste.

Sipas tyre për PSG-në, pengesa e madhe janë paratë. Nënshkrimi “konsiderohet jorealist brenda vendit”, raporton gazeta, me pritshmëritë e pagës së lojtarit duke provuar të jetë një pengesë e madhe për çdo klub që kërkon të nënshkruajë me 34-vjeçarin.

Lionel Messi u largua nga Barcelona pasi klubi i “La Liga” nuk ishte në gjendje të përmbushte një kontratë të re që ishte rënë dakord me lojtarin.

Gjashtë herë fituesi i Topit të Artë ka qenë zyrtarisht një agjent i lirë që nga 1 korriku pasi ai nuk arriti të pajtohej me kushtet për një rinovim para se kontrata e tij e mëparshme me Barcelonën të skadonte në 30 qershor.

Sidoqoftë, 34-vjeçari pritej të nënshkruante një kontratë të re pesëvjeçare me klubin katalanas edhe pse paga e tij të ulej me 50 përqind.

Messi e ka kaluar gjithë karrierën e tij në Barcelonë, duke kaluar nëpër akademinë e klubit para se të shënojë 672 gola në 778 paraqitje pasi bëri debutimin e tij të lartë në 2003.