Stuhia e fortë që ka goditur disa vende të Europës ditët e fundit, pritet të mbërrijë edhe në vendin tonë. Të paktën ky është parashikimi që bën sinoptikania Lajda Porja, e cila shprehet se në vendin tonë do të vijë me e dobësuar sesa në Europën qendrore.
Në një prononcim për televizionin “News 24”, sinoptikania tha se ditën e shtunë pritet që të ketë rrebeshe shiu në zonën veriore dhe verilindore të vendit, ndërsa të dielën do të përfshihet nga shirat edhe zona përgjatë bregdetit të Adriatikut.
“Duke parë stuhinë me origjinë në ishujt Britanik, që ka përfshirë Europën Qendrore, kjo stuhi e quajtur në shkallën e uraganeve, po sjell përkeqësim të motit. Pritet që stuhia të zhvendoset drejt alpeve, dhe tek ne vjen e dobësuar.
Do të ketë më tepër rrebeshe shiu, në Maqedoni, Serbi dhe Kroaci. Moti paraqitet me vranësira. E shtuna parashikohet të sjellë reshje shiu në zonën veriore dhe verilindore. Dita e diel do të zhvendos në një pjesë të madhe të territorit. Do të përfshihen edhe zonat qendrore. Do të ketë reshje shiu në Velipojë, në Durrës, por shpëton zona e jugut.
Ka pasur një rënie të temperaturave, krahasuar me të nxehtin që kaluam javën e shkuar. Parashikohet që termometri mos të kalojë 34 gradë celsius. Kryeqytet pritet që gjatë kësaj fundjave do të jetë 33 gradë. Dita e diel do të ketë rënie temperature, 32 gradë, do kemi të paraqitur gjatë kësaj fundjave parametrin e erës.”– tha Porja.
