Prokuroria e Tiranës ka marrë nën hetim dy persona, të cilët dyshohen si bashkëpunëtorë të një rrjeti të trafikut të drogës në Gjermani e Zvicër.
Sipas televizionit “News 24”, “bëhet fjalë për një grup të trafiku të lëndëve narkotike, të dënuar në Zvicër.
Nga hetimet e autoriteteve zvicerane dhe gjermane kanë rezultuar dhe dy shqiptarë të përfshirë, njëri prej të cilëve sipas “BW” është zyrtar shtetëror. Roli i zyrtarit shqiptar dyshohet se ishte rekrutimi i personave në këtë rrjet trafiku.
Sipas gazetares Klodiana Lala, bëhet fjalë për shtetasin Ndriçim Harka, punonjës në Bashkinë e Tiranës.
Harka sëbashku me Etmond Merjan dyshohen se janë të përfshirë si organizatorë në këtë veprimtari kriminale. Ky i fundit është kunati i Harkës, i cili dyshohet se është larguar drejt Greqisë. Gjithsej janë 7 persona pjesë e grupit, 5 të arrestuar në Zvicër.
