Zbulohet në Rusi një varr masiv me eshtrat e qindra të burgosurve sovjetikë në vendin e një ish-kampi përqendrimi në Voronezh, që strehonte punëtorë që ndërtonin një hekurudhë nga Berlini në Stalingrad.
Të paktën kështu ka deklaruar Mikhail Segodin, kreu i Don, një grup i dedikuar për gjetjen e eshtrave të njerëzve të vrarë nga pushtuesit nazistë gjatë Luftës së Dytë Botërore.
Segodin shpjegoi: “640 njerëz janë zbuluar. Gjetëm edhe katër medalione të vdekjes. Dy prej tyre ishin bosh, ndërsa dy të tjera kishin nga një letër, njëra prej të cilave ishte plotësisht e lexxueshme. Gjetëm gjithashtu një libër të Ushtrisë së Kuqe, të cilin do ta dërgojmë për ekzaminim dhe një lugë të shënuar me mbiemër”.
Gjatë Luftës së Dytë Botërore, ushtarëve të Ushtrisë së Kuqe iu dhanë medalione metalike, në të cilat ata supozohej të vendosnin një copë letër me të dhënat e tyre personale për qëllime identifikimi, në rast se vriteshin.
RT shkruan se të burgosurit e luftës që mbaheshin në kampin me emrin DUGAG-191 dhe të vendosur afër fshatit Lushnikovka, u përdorën për të ndërtuar një hekurudhë të fshehtë të quajtur ‘Berlinka’, e cila kishte për qëllim të lidhte Gjermaninë me Stalingradin, tani e quajtur Volgograd. Nazistët krijuan të paktën 17 kampe përgjatë rrugës në rajonin e Voronezhit, duke vrarë mijëra gjatë procesit të ndërtimit.
Vendimi për ndërtimin e hekurudhës u mor pas Betejës së Stalingradit, ku ushtria gjermane pësoi një humbje dërrmuese. Nazistët kishin mbetur të ulët në fuqi punëtore dhe furnizime dhe kishin shumë nevojë për një rrjet të përmirësuar logjistik për të marrë municione dhe ushqim në vijën e frontit.
Në vitin 2010, grupi Don filloi të përqendrohej tek ata që u vranë duke ndërtuar hekurudhën. Segodin shpjegoi se shumica e eshtrave janë në gjendje të keqe, duke e bërë të vështirë për të përcaktuar gjininë e mbetjeve. Sipas Segodin, kishte gjithashtu një kamp aty pranë për gra dhe fëmijë.
“E vetmja gjë që mund të themi me siguri është se pothuajse të gjithë njerëzit e vdekur ishin të rinj.”- tha ai.
