Policia e Elbasanit ka dhënë detaje lidhur me ngjarjen e raportuar mëngjesin e sotëm një trup i pajetë u gjen në lagjen “Vullnetari”.
Sipas informacionit zyrtar të policisë, trupi i përket një 69-vjeçari me iniciale R.K banues në Elbasan.
Nga veprimet e policisë dyshohet se shtetasi ka prerë damarët dhe më pas është vetëhedhur nga kati i 4 i pallatit ku banonte i vetëm.
“Në vijim të informacionit paraprak të dhënë për një person të gjetur pa shenja jete në anë të rrugës në lagjen “Vullnetari”, Elbasan, ju informojmë se:
Nga veprimet hetimore të kryera nga grupi hetimor nën drejtimin e Prokurorisë së Rrethit Gjyqësor Elbasan rezulton se trupi i pajetë i përket shtetasit R.K., 69 vjeç, banues në Elbasan.
Nga këqyrja e turpit dhe e banesës rezultoi se ky shtetas jetonte i vetëm në banesë dhe dyshohet se ka prerë damarët e duarve me mjet të mprehtë (thikë) dhe më pas është vetëhedhur nga kati i 4 i pallatit ku banonte. Grupi hetimor vijon punën për sqarimin e plotë të rrethanave të ngjarjes”-njofton policia.