Drejtoria e Përgjithshme e Arkivave ka publikuar sot me rastin e Fitër Bajramit, një fotografi nga falja e Namazit në vitin 1925.
“Kjo është një fotografi e vitit 1925 nga falja e Bajramit në sheshin e Namazgjasë në Tiranë.
Përmes këtyre momenteve me rëndësi për kujtesën tonë kombëtare që ruhen në Fototekën e AQSH-së, JU UROJMË:
Gëzuar FITËR BAJRAMIN të gjithë besimtarëve muslimanë!
Paqe, gëzim dhe lumturi në familjet tuaja!
Arkivat FRYMËZOJNË!
Arkivar KUJTOJNË!”- shkruan Drejtoria e Përgjithshme e Arkivave.
Pas një muaji agjërim, besimtarët myslimanë në Tiranë janë mbledhur sot bashkë për faljen e Namazit në sheshin “Skënderbej”, në një ceremoni që nisi nisi rreth orës orën 05:40 dhe zgjati pak më shumë se 40 minuta.
Kujtojmë se vitin e kaluar, falja e Namazit u bë nëpër xhami për shkak të rregullave të pandemisë së Covid-19, por me lehtësimin e tyre u lejuan të fallen në Shesh.
Ceremonia filloi me leximin e Kuranit prej imamit të xhamisë së Ethem Beut dhe vazhdoi me ligjërata, faljen e namazit dhe hytbe.
