Një person i armatosur vrau dy persona dhe plagosi rëndë një të tretë në një kazino në Ashwaubenon, Wisconsin, para se të neutralizohej nga policia që erdhi me shpejtësi në vendin e ngjarjes.
Të shtënat u zhvilluan në një kazino ngjitur me Hotel Radisson, përballë Aeroportit Ndërkombëtar të Green Bay Austin Straubel, rreth orës 19:30 të së shtunës. I dyshuari u vra pasi forca të shumta policie erdhën në vendin e ngjarjes. Asnjë oficer nuk u lëndua.
Hetuesit besojnë se i dyshuari synonte të qëllonte një person me të cilin ishte përplasur. Besohet se autori i dyshuar ishte punonjës i kazinosë Oneida.
Dëshmitarët i thanë medias lokale se ata dëgjuan të shtëna armësh menjëherë pasi mbërritën në kazino.
