Një 40-vjeçar është arrestuar në flagrancë nga policia , pasi u kap duke transportuar 5 emigrantë të paligjshëm.
Policia e Korçës njofton se në kuadër të operacionit të koduar “Perimetri” u bë arrestimi në flagrancë i shtetasit Stefan Bërdufi, banues në Kavajë.
Ky shtetas është konstatuar nga shërbimet e Policisë Rrugore dhe SHÇBA-së në aksin rrugor Korçë-Maliq, pranë fshatit Libonik, duke transportuar në drejtim të Tiranës, me mjetin tip “Ford”, 5 emigrantë të paligjshëm, të cilëve kundrejt shpërblimit, iu kishte premtuar kalimin drejt vendeve të BE-së.
Materialet i kaluan Prokurorisë së Rrethit Gjyqësor Korçë, për veprën penale “Ndihma për kalim të paligjshëm të kufijve” kryer në bashkëpunim.
