Kryeministri Edi Rama është nisur këtë të enjte për në Turqi. Përmes një postimi në “Twitter” herët këtë mëngjes, ai shprehet se ky udhëtim i tij ka si qëllim sigurimin e më shumë vaksinave kundër Covid-19 për Shqipërinë.
Rama shkruan se po qe se nuk ia del dot ai, askush tjetër nuk ia del dot.
“Në Stamboll për shumë vaksina. O ia dalim o ia dalim, s’ka tjetër dhe po s’ia dolëm ne askush tjetër nuk ka si ia del dot!”– shkruan kryeministri.
Sot pritet finalizimi i një marrëveshjeje mes Ramës me një kompani turke për vaksinat anti-covid të Kinës. Parlamenti miratoi dy ditë më parë, aktin normativ për sigurimin e vaksinave kineze.
