Sekretari i Përgjithshëm i PD-së nga Librazhdi ditën e sotme deklaroi se pas 25 prillit nuk do të vendosë bashkia e Ballës se cili biznes duhet të punojë apo jo.
Bardhi thotë se në Librazhd njeriu i Taulant Ballës urdhëron njerëzit se ku duhet të blejnë.
“Pas 25 prillit nuk do e vendosë bashkia e Ballës cili biznes duhet të punojë e cili jo!
Fadil Kojku ka një dyqan të shitjes së materialeve të ndërtimit në Librazhd, por është në kushte mbijetese, sepse nuk e ka mik kryetarin e Bashkisë, njeriun e Taulant Ballës, i cili urdhëron njerëzit se ku duhet të blejnë.
Ka arritur në pikën që të mbajë vetëm tre punëtorë.
E sigurova Fadilin se kjo gjë merr fund më 25 prill!
Ne do ta çlirojmë biznesin nga presioni, nga taksidarët abuzues, nga ndërhyrjet e pushtetarëve në favor të miqve të tyre”-shkruan Bardhi.
