Ish-shefi i Shtabit të Përgjithshëm të ushtrisë, Gjeneral Bardhyl Kollçaku ka fituar gjyqin me presidentin Meta e Ministrinë e Mbrojtjes lidhur me shkarkimin e tij nga detyra para kohe.
Gjykata Administrative i ka dhënë të drejtë Kollçakut duke vendosur që atij t’i paguhet rroga por jo kthimin në detyrë.
Ai u lirua nga detyra një muaj para se t’i përfundonte emërimi. Kollçaku kërkoi në gjykatë ruajtjen e statusit, marrjen e pagës si dhe rikthimin në detyrë.
Kollçaku ishte shef i Shtabit të Përgjithshëm në kohën e ministres Mimi Kodheli e u largua pas marrjes së detyrës nga Olta Xhaçka.
