Kompania private e cila po operon për ndërtimin e Unazës së Madhe ka dëmtuar Fiderin 334 në kryeqytet dhe për pasojë ka lënë pa energji elektrike dy zona në Tiranë.
Një pjesë e Unazës së Re dhe ish-fushës së Aviacionit kanë mbetur në terr të plotë.
“Fideri 334, rrjet i tensionit të mesëm 20kV, që furnizon një pjesë të Unazës së Re dhe një pjesë të ish- Fushës së Aviacionit është dëmtuar nga subjekti Privat që po punon për ndërtimin e Unazës së Madhe!
Brigadat e OSSH janë në terren për rikthimin sa më të shpejtë të energjisë elektrike”-njofton OSSHEE.
