Ministri i Jashtëm i Iranit i kërkoi Uashingtonit të veprojë shpejt për t’u kthyer në marrëveshjen bërthamore të vitit 2015, duke theksuar se legjislacioni i miratuar nga parlamenti e detyron qeverinë të forcojë qëndrimin e saj bërthamor nëse sanksionet e SHBA-së nuk lehtësohen deri më 21 shkurt.
Mohammad Javad Zarif gjithashtu iu referua zgjedhjeve në Iran në qershor. Nëse zgjidhet një president i vijës së ashpër, kjo mund të rrezikojë më tej marrëveshjen.
“Koha po kalon për amerikanët, si për shkak të projektligjit të parlamentit dhe atmosferës zgjedhore që do të pasojë Vitin e Ri iranian.” – tha Zarif në një intervistë me gazetën ‘Hamshahri’ botuar të shtunën.