Ambasadorja e SHBA-ve Yuri Kim, e ka quajtur goditje të madhe kundër korrupsionit dhe krimit të organizuar dënimin e 11 personave përfshirë zyrtarë publikë për vjedhjen e pasurisë publike me vlerë 60 milionë euro.
Ajo e quajti shembull të bashkëpunimit të fortë mes organeve ligjzbatuese shqiptare dhe atyre amerikane.
“Një goditje tjetër e madhe kundër korrupsionit dhe krimit të organizuar. SPAK dënoi 11 kriminelë, përfshirë zyrtarë publikë, për vjedhje të pasurisë publike me vlerë 60 milion euro. Kjo është pjesë e Dosjes famëkeqe 339. Ky është gjithashtu një tjetër shembull i bashkëpunimit të fortë midis zbatuesve të ligjit SHBA dhe Shqipëri. Shpresojmë që SPAK do të vazhdojë të prodhojë rezultate. Është e rëndësishme t’i jepet fund mosndëshkimit për korrupsion dhe krim të organizuar!”-shkruan Ambasadorja Kim.
