Vaksina e Rusisë “Sputnik V” jep rreth 92% mbrojtje kundër Covid-19, të paktën kështu tregojnë rezultatet e testimeve në fazën e vonë.
Siç shkruan BBC, “Sputnik V” është konsideruar të jetë e sigurt dhe ofron mbrojtje të plotë kundër shtrimit në spital dhe vdekjes.
Vaksina fillimisht u prit me disa polemika pasi u përhap para se të dilnin të dhënat përfundimtare të testimeve.
Por shkencëtarët tani thonë se përfitimet nga kjo vaksinë janë demonstruar tashmë.
Vaksina e Rusisë funksionon në mënyrë të ngjashme me atë të Oxford / AstraZeneca të zhvilluar në Mbretërinë e Bashkuar dhe vaksinën Janssen të zhvilluar në Belgjikë.
Ai përdor një virus të tipit të ftohtë (i krijuar për të qenë i padëmshëm) si një bartës për të shpërndarë një fragment të vogël të koronavirusit në trup.
Ekspozimi i sigurt i trupit me një pjesë të kodit gjenetik të virusit në këtë mënyrë, i lejon atij të njohë kërcënimin dhe të mësojë ta luftojë atë, pa rrezikuar të sëmuret.
Pasi të vaksinohet, trupi fillon të prodhojë antitrupa të përshtatura posaçërisht për koronavirusin.
Kjo do të thotë se sistemi imunitar është i përgatitur për të luftuar koronavirusin nëse e has atë vërtet.
Kjo vaksinë mund të ruhet në temperatura midis 2 dhe 8C gradë (një frigorifer standard është afërsisht 3-5C gradë) duke e bërë më të lehtë transportimin dhe ruajtjen e dozave të saj.
