Problemet me dëborën janë shënuar edhe në zonat e larta malore në juglindje të vendit.
Prej 14 ditësh banorët e fshatit Panarit në Korçë qëndrojnë të izoluar nga pjesa tjetër e qarkut për shkak të reshjeve masive të dëborës.
Në këtë fshat banojnë rreth 200 banorë, të cilët prej dy javësh ndodhen të izoluar nga pjesa tjetër e kësaj zone pasi rruga Shtyllë-Panarit është e bllokuar.
Trashësia e dëborës shkon deri në 1 metër në këtë zonë ndërsa reshjet kanë vijuar të bien.