Avokati personal i presidentit amerikan Donald Trump, Rudy Giuliani, ka dalë pozitiv për Covid-19 dhe po trajtohet në spital.
Lajmin e konfirmoi ai vetë si dhe presidenti, i cili bëri në një postim në “Twitter” për t’i uruar atij shërim të shpejtë.
“Bëhu mirë sa më shpejt Rudy, ne do të vazhdojmë!”– thotë Trump.
76 vjeçari u shtrua në Spitalin Universitar Medstar Georgetoën në Uashington të dielën, sipas raporteve të mediave amerikane.
Në një postim, ish-kryebashkiaku i Nju Jorkut falënderoi dashamirësit për mesazhet e tyre dhe tha se ai ishte duke u rikuperuar.
Giuliani është personi më i fundit i afërt me presidentin që është infektuar. Nuk është e qartë nëse ai po përjeton simptoma apo se kur e kapi virusin.
Presidenti dhe ekipi i tij janë kritikuar vazhdimisht për shmangien e udhëzimeve të sigurisë. Vetë Trump ishte i sëmurë në tetor.
