Vendosni fjalën kyçe....

BBC nxjerr blof Ramën dhe Top Channel: Videoja që “zhduku” Basha gjendet në internet


Që prej nisjes në Gjykatën Speciale në Hagë të gjyqit ndaj disa liderëve politikë në Kosovë, lidhur me akuzat për krime lufte, kryeministri Rama e deputetët e PS-së kanë nisur një fushatë ndaj PD-së e kreut të saj Basha.

Fillimisht PD-ja u akuzua nga Rama për miratimin e një rezolute për hetime në Shqipëri lidhur me akuzat për trafik organesh ndaj ish-liderëve të UÇK-së, Thaçi, Veseli, Krasniqi e Selimi.

Më pas kreu i saj, Basha, u akuzua se kishte qenë në Shtëpinë e Verdhë në Mat, ku sipas raportit të Dick Marty-t pretendohet se është bërë marrja e organeve nga të burgosurit serbë.

Një pretendim i tillë u hodh poshtë katërcipërisht nga eksperti i OKB-së, Jose Pablo Barayar, antropolog dhe hetues në misionin te ‘Shtëpia e Verdhë’ në Shqipëri.

Ditët e fundit Top-Channel ka nisur një tjetër seri akuzashndaj Bashës, kësaj here lidhur me një kasetë, e cila sipas Milaim Bellanicës, personit që ka kryer filmimet e masakrës së Krushës në Kosovë, është marrë nga Basha dhe nuk ka përfunduar aty ku duhet dhe se Basha nuk ia ka dhënë kasetën pasi ai e ka kërkuar mbrapsht.

Akuzave të Bellanicës, Top-Channel u shton edhe ato të banorëve të Krushës, të cilët i kërkojnë Bashës që t’u kthejë kasetën e masakrës.

Fushatës i është bashkuar edhe kryeministri Rama.

Megjithatë një shkrim i BBC, që daton 4 prill 1999, ka në përbërje të tij pamjet e masakrës së Krushës dhe një shkrim që e shoqëron.

Shkrimi titullohet: Bota: Evropë – Filmi ekskluziv i ‘mizorive serbe’, duke iu referuar masakrës së Krushës.

Videoja është siguruar nga korrespondenti i BBC-së, George Alagiah, ndërsa në shkrim thuhet se ajo është filmuar nga një kameraman amator, i cili rrezikoi jetën e tij duke e kontrabanduar videon nga Kosova.

Kameramani është pikërisht Milaim Bellanica, i cili ia ka dorëzuar videon e filmuar korrespondentin të BBC-së, sipas shkrimit të medias britanike.

Bëhet fjalë për videon, për të cilën Bellanica nëpërmjet Top-Channel, akuzon se ia ka dhënë Bashës dhe ia kërkon që ta publikojë për të treguar krimet serbe.

Në shkrimin e saj të 4 prillit 1999, BBC-ja nxjerr blof Top-Channel, kryeministrin Edi Rama si dhe dëshmitarin e Top-Channel, Milaim Bellanica, i cili videon në fjalë ia ka dhënë asokohe korrespondentin të BBC-së, George Alagiah.

VINI RE: Shkrimin e BBC-së të 4 prillit 1999 e lexoni Këtu

K.Manjani/ Hashtag.al