Dy zjarre të mëdha që po avancojnë shumë shpejt, kanë detyruar autoritetet e Kalifornisë të evakuojnë rreth 90 mijë banorë.
Zjarri nisi të dilte nga kontrolli mëngjesin e të hënës në fshatin Orange në jug të Los Angelosit. Sakaq ditën e sotme ka nisur edhe një tjetër zjarr me përmasa të mëdha pranë zonës së Yorba Linda.
Rreth 5900 hektarë janë shkrumbuar tashmë, ndërkohë që raportohen dy zjarrfikës të lënduar rëndë.
Sipas mediave, zjarri po përparon me shpejtësi i ndihmuar nga erërat e forta dhe temperaturat e larta.
Zjarret në Kaliforni prej disa kohësh janë kthyer në një shqetësim të madh për vendin, teksa situata raportohet emergjente.
