Grupi i gjakut i një personi mund të luajë një rol kryesor në cënueshmërinë e tij ndaj Covid-19, me njerëzit e tipit zero që rrezikohen më pak, ndërsa llojet A dhe AB janë më të rrezikuar, ka zbuluar një studim i sapopublikuar.
Dy studime të pavarura të botuara në fundjavë zbuluan se grupi i gjakut zero është si një mburojë kur bëhet fjalë për koronavirusin.
Ata me këtë grup gjaku u zbulua se kishin më pak të ngjarë të prekeshin nga sëmundja dhe gjithashtu kishin një rrezik më të paktë të për ndërlikime të rënda edhe në rast se preken.
Personat me grupet e gjakut A dhe AB nuk ishin aq me fat, pasi shkencëtarët zbuluan se kishin më shumë të ngjarë të vuanin më rëndë sesa njerëzit nga dy grupet e tjera të gjakut (zero dhe B).
Grupet e gjakut përcaktohen nga numri i tyre i antigjenit dhe proteinave të antitrupave. Tipi zero është më i zakonshmi në të gjithë botën.
Një nga studimet u krye nga një ekip studiuesish nga Spitali Universitar i Odenses dhe Universiteti i Danimarkës Jugore.
Studimi i dytë përfshiu 95 persona që ishin të sëmurë rëndë me Covid-19 në Vancouver, Kanada.
Ai zbuloi se pacientët nga grupet e gjakut A dhe AB kishin më shumë gjasa të kërkonin ventilim mekanik, duke sugjeruar që ata kishin norma më të mëdha të dëmtimit të mushkërive nga virusi. Ata gjithashtu kishin më shumë gjasa të kërkonin dializë për shkak të dështimit të veshkave.
