Një person u vra pasi raftet u rrëzuan në një supermarket brazilian, duke e varrosur klientët dhe stafin nën malin e produkteve.
Aksidenti tragjik ndodhi në qytetin verilindor të Sao Luis e u kap nga kamerat e mbikëqyrjes. Dëshmitarët okularë gjithashtu filmuan video dhe i postuan ato në rrjetet sociale.
Në një klip, klientët mund të shihen duke paguar me qetësi në arkë. Papritmas, ata fillojnë të vrapojnë për te dera. Sekonda më vonë, raftet e mëdha të dyqanit fillojnë të rrëzohen një nga një ndërsa kutitë dhe ushqimi bien në korridore.
Në një video tjetër, kalimtarët e tronditur shihen duke vështruar grumbujt e mallrave të rrëzuara ndërsa përpiqen të kuptojnë atë që sapo ndodhi. Ulërimat dëgjohen ndërsa disa fillojnë të ngjiten nëpër rrënojat në kërkim të të mbijetuarve.
Një punonjës i dyqanit u vra në aksident dhe tetë persona të tjerë u plagosën. Autoritetet ende po përpiqen të përcaktojnë se çfarë shkaktoi shembjen e rafteve dhe kanë filluar një hetim.
Zinxhiri i supermarketeve, Mix Mateus Atacarejo, tha se të gjitha dyqanet e tij në qytet do jenë të mbyllura për një ditë në respekt të viktimës.
