Vendosni fjalën kyçe....

Gazetari Artan Hoxha: Ngjarje tragjike në Malësinë e Madhe, 3 të rinj dyshohet se janë ekzekutuar për parcelat me kanabis


Gazetari Artan Hoxha ka denoncuar zhdukjen e tre personave në Malësi të Madhe, të cilët sipas tij dyshohet të jenë vrarë për parcelat me kanabis.

Ai shkruan në një status të gjatë në Facebook se gjallërimi i kanabisit në kodrat e malet e Shqipërisë sjell përveç milionave e zyrtarëve të korruptuar edhe vikimat e pazareve të prishura.

Sipas Hoxhës, që citon burime zyrtare, personat e zhdukur prej 36 orësh në Malësinë e Madhe janë Vilson Pal Çutaj, i datëlindjes 20.11.1983, banues në fshatin Bajzë, bashkia Malësi e Madhe, Klement Nush Pepaj, i datëlindjes 15.01.1999 dhe Danjel Rrok Pepaj, i datëlindjes 17.09.1995, kushërinj me njëri-tjetrin, të dy me banim në fshatin Vrith, Malësi e Madhe dhe të afërm të Vilson Çutajt.

Hoxha shkruan në fund se sipas deklarimeve të familjarëve, dëshmitarëve dhe banorëve të zonës, policia dyshon se tre të rinjtë janë vrarë në njeë zonë të thellë dhe trupat e tyre nuk janë gjetur ende.

“Ngjarje e rende ne Malesine e Madhe..

Policia ne kerkim per trupat e 3 personave, dyshohen te jene vrare per parcelat me kanabis…Sa here qe kanabisi gjelberon kodrat dhe malet Shqiperise, sigurisht pas tij, nuk vijne vetem milionat per boten e krimit dhe zyrtaret e korruptuar deri ne palce. Bashke me kanabizimin, vijne dhe viktimat e pazareve te prishura apo hesapeve te paqeruara. Ndersa javet e fundit, po e qarkoja territorin e vendit, nga jugu ne veri, per te dokumentuar situaten me kanabisin, ajo qe i trembesha me shume, ishin pikerisht, viktimat e ketij narko-operacioni.

Sot pasdite me njoftuan se dy persona nga fshati Vrith dyshohen te jene vrare prane nje parcele me kanabis. Largesia nga Shkodra, e vendit ku dyshohet te kete ndodhur ngjarja, ma beri me te veshtire marrjen dhe konfirmimin e informacionit. Por dhjetera forca policore ishin drejtuar qe ne oret e para te dites ne zonen e Razmes, ku dyshohej te kishte ndodhur krimi. Vetem pak minuta me pare munda te konfirmoj plotesisht se kemi te bejme me nje ngjarje me permasa tragjike. Konkretisht me datë 3 tetor 2020, rreth orës 15:00, jane degjuar te shtena me arme zjarri nga banore te zones. Fillimisht eshte dyshuar se te shtenat kane ardhur nga persona, qe kane kultivuar parcela me lende narkotike ne disa zona te thella, ne fshatin Vrith. Duke patur parasysh se bima eshte ne fazen e pjekjes perfundimtare, parcelat ruhen nga roje te armatosur per te mbajtur larg grabitesit e kanabisit.

Por pak ore pas te shtenave eshte konstatuar se tre persona, te aferm dhe kusherinj me njeri tjetrin, jo vetem nuk jane kthyer ne banesat e tyre, por jane zhdukur pa humbur gjurme. Menjehere ka nisur kerkimi i te zhdukurve nga familjaret e tyre, dhe kur nuk jane gjetur, eshte kerkuar ndihma e policise.

Nga burime zyrtare konfirmohet se personat e zhdukur prej 36 oresh, jane shtetasit, Vilson Pal Çutaj, i datëlindjes 20.11.1983, banues në fshatin Bajzë, bashkia Malësi e Madhe. Ndersa dy shtetasit e tjere, jane Klement Nush Pepaj, i datëlindjes 15.01.1999, dhe Danjel Rrok Pepaj, i datëlindjes 17.09.1995, kusherinj me njeri-tjetrin, të dy me banim në fshatin Vrith, Malësi e Madhe dhe te aferm te Vilson Çutajt…Nga deklarimet e familjareve, deshmitareve dhe banoreve te zones, policia dyshon se keta shtetas jane vrare ne nje zone te thelle dhe trupat e tyre nuk jane gjetur ende. Kerkimet ne terren prej Komisariatit te Malesise se Madhe, trupave shtese te ardhura nga Drejtoria e Policise Shkoder dhe te afermve te viktimave, po vazhdojne edhe gjate nates…” – shkruan Hoxha në Facebook


Leave a Reply

Your email address will not be published. Required fields are marked *