Pak ditë më parë, Artan Shëmbi, shefi i operacionit Forca e Ligjit u pezullua nga pozicioni që mbante në Drejtorinë e Përgjithshme të Policisë.
Pezullimi i Shkëmbit erdhi pasi akuzohet për nxjerrje të sekretit hetimor dhe dekonspirim të operacioneve të policisë.
Ai është zbuluar nga autoritetet gjermane, me të cilat ka bashkëpunuar si oficer kontakti i Policisë së Shtetit. Ato i kishin kërkuar Shkëmbit informacione lidhur me një grup të strukturuar kriminal që merrej me trafikun e kokainës në Gjermani.
Dy trafikantët shqiptarë për të cilët dyshohet se Shkëmbi dekonspiroi aksionin e policisë dhe nxorri sekretin hetimor janë Aleksandër Prroni e Klaudio Vukaj.
Dyshohet se Shkëmbi i dërgoi mesazh të koduar dy personave në fjalë dhe sipas prokurorisë gjermane, mesazhi është dërguar nga godina e Policisë së Shtetit.
Policia gjermane që ka nisur një hetim për Prronin e Vukajn, kishte kërkuar informacion nga polica shqiptare lidhur me pasuritë e tyre. Kjo e fundit ka kthyer pëgjigje në datën 22 prill.
Gjatë hetimeve të palës gjermane gjurmuar programi ‘Deep Sea’, në të cilin ka qasje vetëm policia shqiptare.
Në telefonin e dy personave nën hetim janë gjetur të dhëna që kanë lidhje me programin në fjalë e kjo i ka shtyrë autoritetet gjermane të besojnë se informacioni trafikantëve u është dhënë nga zyrtarë të policisë shqiptare.
Tani për tani çështja është nën hetim ndërsa Shkëmbi është pezulluar e në vend të tij është emëruar Hekuran Bregu.