Qeveria greke ka zgjatur masat kufizuese duke mbajtur mbyllur kufirin edhe për 12 ditë me vendet me të cilat Greqia kufizohet me rrugë tokësore: Shqipërinë, Maqedoninë e Veriut dhe Turqinë Kjo për shkak të numrit të lartë të të infektuarve me Covid-19.
Kjo masë do të jetë e vlefshme deri më 12 tetor.
Si pasojë do të vijojë rregulli i mëparshëm me 300 qytetarë që lejohen të kalojnë nga Kapshtica brenda 24 orëve dhe 750 nga Kakavija. Qytetarët duhet të paraqiten me test negativ PCR për COVID-19, vërtetim të përkthyer dhe formularin PFL grek.
Testi duhet të jetë kryer brenda shtatëdhjetë e dy orëve të fundit para mbërritjes së tyre në Greqi.