Ditën e sotme, policia u ka dërguar formularin e burimit të pasurive katër personave në Elbasan.
Ata janë Afrim Tarelli, Vangjel Kondili, Mehmet Shahini e Dashamir Bahidi.
Të gjithë personat e lartpërmendur janë dënuar më herët për trafik lëndësh narkotike, vjedhje e shfrytëzim prostitucioni.
Njoftimi
“Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Afrim Tarelli, banues në Elbasan, i dënuar për veprën penale “Trafikimi i narkotikëve”;
Vangjel Kondili, banues në Elbasan, i dënuar për veprën penale “Trafikimi i narkotikëve”;
Dashamir Bahidi, banues në Elbasan, i dënuar për veprën penale “Shfrytëzimi i prostuticionit në rrethana rënduese”;
Mehmet Shahini, banues në Elbasan, i dënuar për veprën penale “Vjedhja me armë”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.”
