Një 26-vjeçar është arrestuar pasi qëndronte prej 5 muaj në arrati.
Shtetasi me iniciale G.U ishte shpallur në kërkim pasi në shkurt të këtij viti kishte qëlluar në ajër gjatë një konflikti me një person tjetër.
Gjykata e Shkodrës i kishte caktuar masën “Arrest me burg” për veprat penale “Armëmbajtje pa leje” dhe “Plagosje e lehtë me dashje”.
Njoftimi i plotë:
Qëlloi me armë zjarri në ajër gjatë një konflikti me një person tjetër dhe u largua, kapet dhe vihet në pranga 26-vjeçari i shpallur në kërkim në shkurt 2020.
Nga Seksioni për Hetimin e Krimeve në Komisariatin të Policisë Shkodër, pas informacioneve të marra në rrugë operative u bë kapja dhe ndalimi i shtetasit në kërkim G. U., 26 vjeç, banues në lagjen “Vojo Kushi”, Shkodër.
Ndalimi i tij u bë pasi Gjykata e Shkallës së Parë Shkodër i ka caktuar masën e sigurisë “Arrest në burg”, si i dyshuar për veprat penale “Armëmbajtja pa leje” dhe “Plagosja e lehtë me dashje” e kryer ne bashkëpunim”.
Ky shtetas ishte shpallur në kërkim, pasi më datë 12.02.2020, në vendin e quajtur “Parrucë” në lagjen “Qemal Stafa”, Shkodër, duke udhëtuar me mjetin tip “Benz ML”, së bashku me një shtetas tjetër, janë konfliktuar për motive të dobëta me shtetasin T. A., 32 vjeç, banues në Shkodër, të cilin e kanë goditur me sende të forta duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
