Një kamion ushtarak që transportonte municione të pashpërthyer të marra nga vendi i një shpërthimi në një fabrikë fishekzjarresh në Turqi javën e kaluar, shpërtheu vetë të enjten, duke vrarë tre persona dhe duke plagosur gjashtë të tjerë.
Fishekzjarret dhe municionet e pashpërthyera po transportoheshin në një gurore për t’u shkatërruar, por kur kamioni arriti në destinacionin e tij disa prej fishekzjarreve shpërthyen.
Pamjet e dëshmitarëve okularë nga zona tregojnë pasojat e aksidentit vdekjeprurës ndërsa dhjetëra automjete të urgjencës shkuan në vendin e ngjarjes.
“Një shpërthim ndodhi në guroren që vepronte në lagjen Taskisigi të rrethit Sakarya-Hendek. Tre nga personeli ynë i xhandarmërisë, përfshirë ekipin e depozitimit të eksplozivëve u vranë dhe gjashtë nga personeli u lënduan,” tha Ministria e Brendshme në një deklaratë.
Shpërthimi vjen disa ditë pasi shtatë persona humbën jetën në shpërthimin në fabrikën e fishekzjarreve në provincën Sanarya javën e kaluar.
